June 15, 2009
March 17, 2009
Sa tanan gusto mabaid an ila kahibayo sa Sinurigao makipagpinokoay kamo diri . . .
pindot >> http://sinurigao.ning.com/
March 17, 2009
Ay, ay napaniiran ko na bagan naglisud sanan hapit na man mahikalimot sa ato sinultihan Sinurigao inin ato mga kagupa na naladjo na sa ato lupa Surigao. Bisan ako na ini na sa Manila magsinkahitagalog na man bisan Surigaonon an ako kaistorya.
Ay, ay kinahanglan gajud na ato sab balikbalikon an ato sinultihan Sinurigao. Ato baidbairon, mapadaob, mapadadjang para ma igo gajud an sakto na paglitok sa ato mahal na panulti.
Ay, ay sige. Sige-sigeha ra lamang.
January 9, 2009
Nakadawat ako nan panagad gikan kan Abogado Charlo Paredes kuman na pasko. Arang ka Sinuriago. Gusto ko haoron sab panagad sa ijo hurot mga Surigaonon sa tanan sook sa kalibutan. Amo ini . . .
“Mas tin-aw pa sa tubig sa Parang-parang an amo panghinaut sa matam-is pa sa sayongsong na panaghigugmaay sa ijo bayay, mas mabaskug pa sa mga bayod sa Siargao na kalawasan, sanan sa wayay pagundang na pagbonok nan mga karajawan sa ijo nataran kuman tuig 2009!
July 27, 2008
Mangutana siguro kita. Uman ato man pausbongon an sinultihan Sinurigao? Para ono pa?
Kita mga Surigaonon jaoy ato kaugalingon na wayong na puydi nato sab ipasigarbo. Ugsa an tubag uman dili man nato kapaon kun puydi?
Sa una jaon ra ini sa ilayom nan ako pangisip. Pero tan-aw ko hamok sab iban na Surigaonon na amo sab ini an taghinoktokan. Pero bagan wayay baslanan kay an English hasta Sebuano na mga sinultihan mikanat na. Nadat-ugan na an Sinurigao. Waya nay ganahan molihok.
Pero miabot an kapawa. May baslanan baja ini na panghinaot nan naatongan ko ini na mga kanta . . pakipindot >> http://www.imeem.com/zandrourbiztondo/music/CH60ducf/zandro_urbiztondo_tuway/
Hasta balak ni Mar Recentes . . .
|
Sapyot na Gūtgūt
|
Hain na man an ato sinultian kay napaya naman sa dayan?
Pag-agi sa bayod, bisan lupugon di-na man gajod maapsan
Kay bisan labjan lagi nan uyan,
Kon basa man, di- na mahibaw-an.
Nasimpastidyo an mga lagjem sa hūna-hūna
Naglamyerda an mga mangahigay sa Poktoy
Bisan an mga hibjok waya nay dūgūs ilugwa
Kay an mga jawas na istorya jadto na nusakay sa ‘Last Trip’.
Magkasugat sa may Tayawud, amo ra kaw na jadto sa Junquera;
Nasinsyagit nan away, mga mamanwa rakay maglutay
Sa mga ginūtgūt na mga tambag, bisan isa wayay mamati
Pero sa mga gihunghung gikan sa mga dila nga sapyot kayo
Tanan talinga jadto…
“Gone were the times of colonialism
When the world was flocked with conquests
Who used swords, and arrows, pen and language;
The cross, they made them Holy
So that they took their lands…
As they pray and closed their eyes to the barren skies.”
Thus, conquer CeBu boy…
Isa ka adlaw sakay ako biyahe sa Cubao
Sa jeep duha ka estudyante na promdi
Kabūjūng karajaw kay Tutu man lagi
Puru gajod an ila sulti
Laong ko lagi, Tu, unsa te hambal mo, abaw gid!
Laong ko: Baw gid mo, Luy, jaoy imo kagid hinuon…
“Karajaw sab nila, kay proud man sa sinultian!
An gwinatsihay sa ila, normal lamang…
Inin sa kilid ko kaha, taga-Baoy ba?
Para magjinawaay sab kami hinua!”
Nagkasumpaki na gajod an akū uyu sa paghinuktūk
That Americans came with their tongues to conquer
So that when people learned to speak and read English
They bought their sausage and holy cheese …
Amo ini isa ko ka paghinūktūk
Kay sa Manila ko rakan mabatian an gūtgūt
Kay ngano man lagi nga maghinoktok
Sa radio, sa TV, sa klasrum mao nay ‘in’ karon
Kay extinct na man an, ug lisud sabton
An sinultian nan tinuod na Gigaquitnon…
Hay Ginuu, laong si Manu Karpu
“An nasyonalismo magsugod unta sa atū…”
Hangtod sa langit kaha di-na ta magkasinabot
Kay lagatlat na an atū gūgūt?
(pakipindot >> http://www.gigaquitonline.com/proud_gigaquitnon.html)
July 23, 2008
Inin sinultihan nato Sinurigao hamok sab na baog-baog.
Diri sa amo sa Higakit mga gutgut. Magsinkanguso an mga puhong.
Didto sa ako nanay sa Siargao an sulti pataas sa katapusan. Amo ran nan nangutana bisan dili.
Didto sa del Sur sa may Cantilan di mahuman an laong bisan gamay ra kay kuyang. An ako nahimo na ak an dako nahimo na dak.
Hmmm . . . napaisip ra.
July 23, 2008
Bagan sa ako paniid nagkawaya na man an ato sinultihan. Bisan sa siyudad sa Surigao an sige nato mahibatian Sinebuano man. Pati an ato mga pormal na mga kalihokang pampubliko an sinultihan Sinebuano gihapon.
Ya may problema an Sinibuano kay ato ra man ini lomon na sinultihan. Pero mas marajaw tingali kun ato sab sigehon na Sinurigao an ato gamiton.
Gani arang kakuyang gajud an bokabularyo nan sinultihan Sinurigao pero kun sigehon lagi madugangan ra imbis na makuhaan.
